Internet orqali pul ishlab, juda yosh bo‘lishlariga qaramay dunyoning eng boy insonlari qatoriga kirgan ko‘plab yosh tadbirkorlar haqida eshitganmiz. Mark Zuckerberg (Facebook), Chad Hurley (Youtube), Matt Mullenweg (WordPress)… Bu ro‘yxatni yana ko‘p davom ettirishim mumkin. Demak Internetning bizga ochgan ko‘plab imkoniyatlaridan yana biri bu mo‘maygina daromad olish imkoniyati hamdir. Bu imkoniyatlar orasiga esa endi endi rivojlanib, shakllanib kelayotgan Bloggingni ham qo‘shishimiz mumkin.

O‘zbekistonda endi endi rivojlanayotgan Internet olamida blogging hali o‘z imkoniyat eshiklarini to‘liq ochgani yo‘q. Bu esa o‘z navbatida Uznetda bu imkoniyatlardan foydalanib qolish uchun hozir ayni vaqti degan xulosaga olib keladi.

Ho‘sh, blogging orqali qanday daromad olishi mumkin ekan, ahir biz buni oddiy hobbi, vaqt o‘tkazish usuli deb bilamizku? Bunga javob ommabop blog va yuqori trafik deymiz. Yuqori trafik degani esa reklama beruvchilar uchun potensial mijoz bozoridir. Buning uchun esa albatta biz bloggingga shunchaki hobbi emas, balki biznes imkoniyati deb qarashimiz kerak. Blogda chop etilayotgan maqolalar nafaqat sizga, balki blogingizga tashrif buyuruvchilar uchun ham qiziq va foydali bo‘lishi kerak.

Yuqori trafikga erishish bu tez yoki oson bo‘ladigan ish emas albatta. Biz keyingi postlarimizda qanday qilib ommabop blog yozish va trafikni ko‘tarish usullari haqida to‘xtalib o‘tamiz.

Imkonni qo‘ldan boy bermang, hoziroq bir blog oching va kelajakda u sizga daromad olib kelsin

Xar bir mahsulot ishlab chiqaruvchi yoki ma’lum xizmat turini ko‘rsatuvchi subyekt o‘zining tadbirkorlik faoliyatini yurg‘izish va tanitish uchun reklamdan foydalanadi. Mahsulot va xizmatlarni mijozlarga yetkazishda reklamaning o‘rni juda ham katta. Ayniqsa hozirgi kunda reklamaning yangi turi — internet reklama bizda ham rivojlanmoqda.

Internet foydalanuvchilar soni o‘sar ekan, ushbu sohaga e’tiborini qaratish va ma’lum sohalarni o‘zlashtirish o‘zini hurmat qilgan xar bir kompaniyaning ilg‘or maqsadlaridan biriga aylanishi kerak.

Albatta, internet reklama bizlar uchun hali juda ham chuqur o‘rganilmagan yo‘nalish bo‘lgani uchun turli xil tushunmovchiliklar yoki qiziqtirgan savollar mavjud. Bu sohani unchalik tushunmaganlar uchun internet reklama juda ham qiyin va foydasiz tuyulishi mumkin. Lekin aslida olganda internet reklama mahsulot va xizmatlarga mijozlarni jalb qilish uchun lozim bo‘lgan eng kuchli qurollardan biri hisoblanadi. Men sizlarga internet orqali reklama qilishni nimadan boshlash lozimligini bildirib o‘tmoqchiman.

Mahsulot haqida ma’lumot tarqatish

Demak siz mahsulot ishlab chiqaruvchi yoki biron-bir xizmat ko‘rsatuvchi subyektsiz va o‘z mahsulotingizni sotmoqchisiz. Buning uchun eng avvalo bu haqda internet foydalanuvchilarga bildirishingiz kerak. Ya’ni, mahsulot yoki xizmatlar taklif qilinayotgan vebsaytingizni foydalanuvchilarga yetkazishingiz kerak. Buning uchun sizning tadbirkorlik faoliyatingizga aloqasi bor sohada blog yuritadigan 5-6ta aktiv bloggerlarni topib, ularga o‘z mahsulotingiz haqida to‘liq ma’lumot yuborasiz. Minglab foydalanuvchilarning elektron qutisiga spam yuborgandan ko‘ra, men aytib o‘tgan metod ancha yaxshi samara beradi. Albatta bloggerlar sizning mahsulotingiz haqida bepul maqola yozishdan bosh tortishlari mumkin. Bu masalada moddiy tarafdan hech ham past ketmang. Internet bu shunday narsaki, hamma bir-biri bilan bog‘lanib ketgan. Ya’ni, bir blogda yozilgan maqola minglab bloglarga, natijada esa millionlab mijozlarga yetib borishi mumkin.

O‘z sohangizda jonbozlik ko‘rsating

Internetda sizning sohangiz bo‘yicha turli hil guruh va forumlar mavjud. Mana shunday jamoatchilik orasida o‘z sohangiz bo‘yicha turli xil savollarga javob bering va o‘z mahsulotlaringiz yordamida shu masalalarni hal qilish yo‘llarini ko‘rsating va o‘z mahsulotingizga jalb qilishga harakat qiling. Buning uchun maxsus ishchi yollashingiz ham mumkin. Shuni unutmangki, sizning kompaniyangiz haqida oddiy odamlar orasida qancha ko‘p ishonch bo‘lsa, sizning mahsulotlaringizga ham shuncha ko‘p haridor paydo bo‘ladi. Eng muhimi sodiq mijozlar yana ham ko‘payadi.

“Qo‘nish sahifalari”ni yarating

Qo‘nish sahifalari (landing pages) — veb saytning tarkibidagi sahifa bo‘lib, ma’lum mahsulotni sotish uchun maxsus tayorlangan bo‘lib, turli xil reklama bannerlari yoki qidiruv tizimlari orqali foydalanuvchilar kelib “qo‘nadigan” sahifa hisoblanadi. Boshqa sahifalardan farqi shundaki, qo‘nish sahifalarida mahsulot yoki xizmat hamda uni sotib olish bo‘yicha barcha kerakli ma’lumotlar keltirilgan bo‘ladi. Mahsulot qiymati, tarkibi va hokazolar haqidagi ma’lumotlarni aniq va lo‘nda qilib ko‘rsating. Mahsulot haqidagi ma’lumot piramida shaklida bo‘lib, eng ahamiyatli ma’lumotni eng yuqoriga yozing. Qo‘shimcha ma’lumotlarni pastroqda keltirishingiz mumkin. Sotib olish uchun oson metodlarni alohida ta’kidlab o‘ting. Maqsadingiz mahsulotingizni sotish, demak ushbu sahifada turgan mijoz sotib olish uchun juda ham ko‘p o‘ylab o‘tirmasin va qanday sotib olish kerakligi haqida qiynalib izlab yurmasin. Hamma narsa oddiy va qulay bo‘lishi kerak.

Yuqoridagi maslahatlar internet orqali mahsulot yoki xizmatni targ‘ibot qilishning eng asosiy qoidalari edi holos. Bundan tashqari yana bir necha usullari mavjud. Bu haqda keyingi maqolalarda to‘xtalib o‘taman degan umiddaman.