Oddiy tablardan tashqari “Akkordion” tablar ham mavjud bo‘lib, bunday turdagi tab asosan Apple kompaniyasi vebsayti sahifalarida namoyish etilgan.

“Tabbed Widgets” deb nomlangan plagin aynan sizga mana shu shakldagi tablarni yaratishda juda ham as qotadi. Ushbu plagin mavjud vidjetlarni oddiy yoki akkordion uslubidagi tablarga aylantirib beradi. Ushbu plagin yordamida bir necha soniyada juda ham ihcham va qulay tablarga ega bo‘lasiz. Undan foydalanish juda ham oson.

• Avval ushbu plaginni WordPressning rasmiy plaginlar sahifasidan ko‘chirib olamiz.
• tabbed-widgets katalogini /wp-content/plugins/ ichiga joylashtiramiz.
• Plagin boshqaruvi sahifasi orqali uni aktivlashtiramiz.
• Tabli vidjet yaratish uchun Design → Tabbed Widgets sahifasini ochamiz.

Yuqoridagi tasvirda ko‘rganingiz kabi, kerakli bo‘lgan vidjetlarni tanlaysiz va tab turini tanlaysiz. Kerakli moslamalarni belgilab olgandan so‘ng, Design → Widgets sahifasiga o‘tib yaratilgan vidjet(lar)ni qo‘shib olasiz.

Natijada quyidagiga o‘xshagan tablar hosil bo‘ladi:

Yaratilgan tablarning stilini moslab olish uchun js/uitabs.css fayliga murojaat eting.

Breadcrumbs plaginini o‘rnatishdan nima foyda? Ushbu plaginning eng ahamiyatli tomoni shundaki, ham blog o‘quvchilari ham qidiruv tizimlari tomonidan(SEO) kontentning qayerda joylashganini va saytning strukturasini aniqlashda yordam beradi.

Bunday plaginlar bir nechta, lekin ularning ichida Yoast Breadcrumbs plagini foydalanish va moslashtirish uchun eng qulayi hisoblanadi.

Yoast Breadcrumbs plaginini o‘rnatish

• Ushbu plaginni o‘rnatish uchun avval Yoast Breadcrumbs plaginini ko‘chirib olamiz.
• Arxivning ichidagi ichida joylashgan yoast-breadcrumbs.php faylini /wp-content/plugins/ ichiga yuklaymiz.
• Boshqaruv paneli orqali ushbu plaginni aktivlashtiramiz.
• Moslamalar sahifasida Breadcrumbs bo‘limiga o‘tamiz(Settings → Breadcrumbs) va lozim topilsa tegishli o‘zgartirishlar kiritamiz.
• Quyidagi kod parchasini blog shabloniga qo‘shib qo‘yamiz:

< ?php if ( function_exists('yoast_breadcrumb') ) {
yoast_breadcrumb('

','');
} ?>


Masalan single.php faylining yuqori qismiga, post(content) boshlanishidan oldin qo‘shish mumkin. Bundan tashqari page.php, search.php hamda archive.php sahifalariga ham qo‘shib chiqishni tavsiya etaman.

Ushbu plaginni foydalanish jarayonida yoki uni o‘rnatishda muammo paydo bo‘lsa, shu yerdan yordam olishingiz mumkin.

SEO mavzusiga doir boshqa maqolalarni SEO bo‘limidan topib, o‘qishingiz mumkin.

“ALT” tegi tasvir ko‘rinmagan holda uning tavsifini ko‘rsatadi. Yuqoridagi misolni oladigan bo‘lsak, seo.jpg ma’lum sabablarga ko‘ra brauzerda chiqmasa, uning o‘rniga “SEO” alt tegi chiqadi. O‘quvchi uchun ham u yerda qanday tasvir borligi tushunarli bo‘ladi.

End asosiysi qidiruv tizimlari uchun bu juda ham foydali. Tasvir qidiruvida aynan ushbu matnlar asosida natijalar ko‘rsatib beriladi.

Blogdagi xar bir tasvir uchun “ALT” tegidan foydalanishni unutmang.

Permalink (permanent link) – maqola, sahifa yoki ruknning doimiy manzili.

Blogda chop etilgan maqolaning manzili o‘zgarmas bo‘lishi kerak, shuning uchun ham doimiy manzil deb ataladi. Ushbu qulaylik chop etilgan maqolani e-mail orqali yoki boshqa yo‘llar bilan tarqatish uchun juda ham qo‘l keladi.

Doimiy manzil strukturasi ko‘pincha quyidagi shaklda bo‘ladi:
http://example.com/?p=N
N – maqolaning tartib raqami.

Bundan yaxshiroq ko‘rinishi quyidagicha bo‘lishi mumkin:
http://example.com/rukn/maqola-nomi/
yoki
http://example.com/yil/oy/kun/maqola-nomi

Doimiy manzil sturkturasini tanlash

Doimiy manzil strukturasini tanlash yoki o‘zingiz hohlagan strukturani belgilash uchun Moslamalar → Doimiy link( Permalink) sahifasini ochasiz.
Agar berilgan variantlardan boshqa strukturani o‘rnatmoqchi bo‘lsangiz, so‘nggida %post_id% yoki %postname% tegi bilan yakunlashni unutmang (masalan – /%year%/%monthnum%/%day%/%postname%/) shunda xar bir permalink tegishli maqolaga olib boradi. Quyida mumkin bo‘lgan teglarni keltiraman:

%year%
Maqolaning yili, 4 ta raqamdan iborat, masalan 2004
%monthnum%
Yilning oyi, masalan 05
%day%
Oyning kuni, masalan 28
%hour%
Soat, masalan 15
%minute%
Minut, masalan 43
%second%
Sekund, masalan 33
%postname%
Maqolaning sarlavhasi (Maqola/Sahifani tahrirlash bo‘limidagi “post slug” bo‘shlig‘i). “Eng birinchi maqola!” sarlavhasining manzili eng-birinchi-maqola shaklida ko‘rinadi.
%post_id%
Maqolaning tartib raqami, masalan 423
%category%
Rukn nomi (Rukn qo‘shish/Tahrirlash bo‘limidagi “category slug”bo‘shlig‘i).
%author%
Muallif ismi.

Rukn asosini ham o‘zgartirishingiz mumkin. Aslida rukn asosi category sifatida beriladi (masalan – www.example.com/category/wordpress). Agar uni /rukn/ shaklida o‘zgartirsangiz www.example.com/rukn/wordpress shakliga o‘tadi.

Blogingizda doimiy manzil strukturasini tushunarli va ihchamlashtirsangiz, birinchidan, maqola nima haqida ekanligini tushunish oson bo‘ladi, ikkinchidan esa qidiruv tizimlari orqali qidiruv natijalariga ham ta’sir ko‘rsatadi. Masalan, ” SEO haqida” deb nomlangan maqolaning doimiy manzili www.example.com/?p=2 shaklida bo‘lgandan ko‘ra, www.example.com/rukn/seo-haqida/ shaklida bo‘lsa, qidiruv tizimlari uchun tushunarliroq bo‘ladi va qidiruv natijalarida topilishi ham oson bo‘ladi.

Blogni rivojlantirish borasida yana bir qadam bu – SEO. Search Engine Optimization – blogingizni qidiruv tizimlari uchun moslash.

Bu sizga nima beradi? Hozirgi kunda bir necha millionlab faoliyat olib boradigan bloglar orasida o‘z o‘rningizni topish, ma’lum miqdorda o‘z o‘quvchilaringizga ega bo‘lish juda ham qiyin vazifa hisoblanadi. Bunday blog yuritish hech qachon oson bo‘lmagan va bundan keyin ham osonlashmaydi. Agar o‘z blogingizni yuqori bosqichlarga olib chiqishni istasangiz, albatta juda ham ko‘p mehnat qilishingiz kerak bo‘ladi. To‘g’ri, turli xil avtomatik tarzda amalga oshiriladigan jarayonlar ham mavjud, lekin bu degani “olma pish, og‘zimga tush” deb qarab o‘tirish degani emas. Albatta chuqur mehnat qilish hamda sifatli maqolalar yozish bu siznin eng oliy vazifangiz bo‘lishi kerak.

SEO mavzusi har doim ham juda ommabop hamda zarur mavzulardan biri bo‘lib kelgani bois, bugundan boshlab SEO mavzusi bo‘yicha bir necha qismdan iborat bo‘lgan maqolalar bilan tanishasiz. Bunda siz o‘z blogingizni qanday qilib turli xil qidiruv tizimlarida yuksak natijalarga olib kelish, sayt o‘quvchilari sonini ko‘paytirish va shu kabi boshqa savollarga javob topasiz degan umiddaman.

Hullas, blogni kuzatib boring. Sizga qiziqarli va sifatli maqolalar yetkazib berish umidida har doim harakatdamiz.

Eslatib o‘taman, siz ushbu blogni nafaqat brauzer orqali, balki RSS tasmasini o‘qish dasturi orqali ham o‘qib borishingiz mumkin. Buning uchun bizning RSS manzillarimizni yozib oling:
Maqolalar uchun – http://www.uzblogger.com/feed
Sharhlar uchun – http://www.uzblogger.com/comments/feed