UzBlogger

WordPressning 2.3.3 versiyasi nashrdan chiqdi. XML-RPC faoliyatida ma’lum so‘rov(request) yordamida bir blogdagi foydalanuvchi boshqa bir foydalanuvchining maqolalarini tahrirlash xavfi yuzaga kelishi mumkin. Shuning uchun xmlrpc.php faylini yangilashingiz talab etiladi. Ushbu xmlprc.php faylini ko‘chirib oling va mavjud bo‘lgan xmlprc.php fayli bilan almashtiring.

Bundan tashqari yana mayda qo‘shimchalar mavjud, lekin majburiy emas. Vaholanki, hamma qo‘shimchalari bilan birga yangilamoqchi bo‘lsangiz, ushbu manzil orqali WordPressning yangi nashrini ko‘chirib olishingiz mumkin.

Blogni rivojlantirish borasida yana bir qadam bu - SEO. Search Engine Optimization - blogingizni qidiruv tizimlari uchun moslash.

Bu sizga nima beradi? Hozirgi kunda bir necha millionlab faoliyat olib boradigan bloglar orasida o‘z o‘rningizni topish, ma’lum miqdorda o‘z o‘quvchilaringizga ega bo‘lish juda ham qiyin vazifa hisoblanadi. Bunday blog yuritish hech qachon oson bo‘lmagan va bundan keyin ham osonlashmaydi. Agar o‘z blogingizni yuqori bosqichlarga olib chiqishni istasangiz, albatta juda ham ko‘p mehnat qilishingiz kerak bo‘ladi. To‘g’ri, turli xil avtomatik tarzda amalga oshiriladigan jarayonlar ham mavjud, lekin bu degani “olma pish, og‘zimga tush” deb qarab o‘tirish degani emas. Albatta chuqur mehnat qilish hamda sifatli maqolalar yozish bu siznin eng oliy vazifangiz bo‘lishi kerak.
(more…)

foto: fox

Bundan oldingi maqolalar orqali WordPress yordamida shaxsiy blog yaratishni o‘rganib oldingiz. Bundan keyin esa mavjud blogingizni rivojlantirish uchun astoydil harakat qilishingiz kerak bo‘ladi. Albatta, ma’lum qiyinchiliklarga to‘qnash kelishingiz tabiiy, lekin birgalikda barcha masalalarni yechishga harakat qilamiz degan umiddaman.

Nafaqat bloggerlar balki, barcha sayt egalari uchun eng asosiy qiyinchilik va dilxiralik olib keluvchi omillardan biri hali ham spam va spammerlar hisoblanadi.
(more…)

Blog yordamida daromad topish, mashhur bo‘lish yoki boshqa masalalardan ham oldin qanday qilib blog yaratish borasida aytib o‘tsam. Fahmlaganingizdek, o‘zbek tilida to‘laligicha WordPress blogini yaratish haqida gap ketyapti va bu mavzuda hech qayerda to‘liq ma’lumot mavjud emas. Bu maqola internetda ushbu mavzudagi eng birinchi maqola hisoblanadi.
(more…)

Hurmatli blog muxlislari!

WordPressning Default shabloni uzbmaster tomonidan o‘zbek tiliga tarjima qilingan.

Ishlab turgan demosini muallifning saytida ko‘rishingiz mumkin: WordPress Default UZ Latin
Yuklab olish uchun quyidagi manzilga boring: WordPress SVN

Ushbu shablonni o‘rnatish uchun (more…)

foto: alcomm

Hammamizga ma’lumki, lotin alifbosiga asoslangan o‘zbek tilida ‘ hamda ’ belgilari alohida shaklda ishlatiladi va alohida ma’noga ega. Ko‘pincha foydalanuvchilar ushbu belgilardan biri, lsquo ya’ni ‘ belgisini noto‘g’ri ishlatishadi. Men esa mana shunday mantiqiy xatolikka yo‘l qo‘ymaslik maqsadida o' va g' harflarida uchraydigan ' belgisini lsquo - ‘ sifatida yozib chiqardim, shundan so‘ng u tayyor holatda o‘zbek lotin alifbosi imlo qoidasiga mos holda nomoyon bo‘lardi. Albatta, butun maqoladagi ushbu belgini birma-bir tahrirlash qiyinchilik tug‘dirmay qo‘ymaydi. Mana shunday masalaning yechimi endi mavjud. (more…)

Ushbu blog WordPressda ishlaydi. Bunga asosiy sabab WordPressning juda ham qulayligidir. WordPress yordamida juda ham oson va tez ravishda blog sahifasini yaratish mumkin.

O‘zining funktsionalligini yo‘qotmagan holda veb-standardlarga ham sodiq qolmoqda. Bundan tashqari WordPress yordamida blog yuritish jarayonida texnik tomoniga umuman e’tibor ham bermasangiz bo‘ladi. Blogni boshqarish: yangi bo‘limlar ochish, maqola va sharhlarni tahrirlash, qo‘shimcha sahifalar yaratish va shu kabi masalalarni juda ham tez va qulay tarzda bajarish imkoniyati mavjud. (more…)

WordPressning navbatdagi versiyasi nashr etildi. 20dan ortiq turli xil xato va kamchiliklarga tuzatishlar kiritildi. Janek Vind tomonidan kuzatilgan jiddiy xavfsizlik nuqsoni , ya’ni PHPda register_globals o‘chirilmagan holda jiddiy xavfsizlikka olib keluvchi XSS muammosi bartaraf etildi. Shuning uchun WordPress yordamida ishlovchi saytingizni yangilashni maslahat beramiz.

O‘zbekcha WordPressning rasmiy veb sayti ham ishga tushdi. Ushbu saytni o‘rnatishda ko‘rsatgan yordamlari uchun Automattic kompaniyasining hodimi Nikolay Bachiyskiga o‘z minnatdorchiligimni bildiraman. Shu bilan bir qatorda, WordPressni o‘zbek tiliga tarjima qilish jarayonida hamda uni rivojlantirishda yordam berayotgan ko‘plab do‘stlarimizdan juda ham minnatdorman.