UzBlogger

WordPress 2.5 brecker! 30-Mart, 2008

Mana nihoyat WordPress 2.5 nashrdan chiqdi. Blogingizni yangilashdan oldin barcha plaginlaringizni aktivsizlashtiring va yangilab bo‘lgandan so‘ng, birma-bir aktivalshtirib chiqing. Har bir plaginni aktivlashtirgandan so‘ng, blogingizni ishlashini tekshirib ko‘ring.

WordPressning yangi versiyasi bilan birgalikda WordPressning rasmiy vebsayti ham yangilandi. Codex sahifalari hali ham eski dizaynda, lekin 1-2 kunda u ham yangi dizayn bilan uyg‘unlashtiriladi.

WordPress 2.5 haqidagi o‘z fikrlaringiz bilan o‘rtoqlashishingiz mumkin!

Teglar: wordpress 2.5
Bo‘lim: WordPress | Muhokama →

WordPress 2.5 RC3 29-Mart, 2008

Bugun WordPress 2.5 RC3 nashrdan chiqdi. Testerlar ko‘chirib olib, sinab ko‘rishingiz mumkin.

Lokal tarmoqda sinab ko‘rishingizni maslahat beraman. Chunki turli hil shablonlar hamda plaginlar WordPressning yangi versiyasiga tayyor emas. Shablon/Plaing mualliflari 2.5 da muammosiz ishlayapti degan taqdirda ham ehtiyot bo‘lishingizni maslahat beraman. O‘zim shunday muammoning guvohi bo‘ldim. Ma’lum shablon hamda plagin muammo bilan ishlayotgandi, muallifiga bu haqda xabar bersam, unda muammosiz ishlayotganiga ishontirdi. 2 kunlik izlanishdan so‘ng baribir muammo o‘sha shablonlar va plaginlarning o‘zida ekanligiga amin bo‘ldim.

Hullas, havotirsiz ishlatish uchun to‘liq versiyasini kutishingizni maslahat qilgan bo‘lardim.

Teglar: wordpress 2.5
Bo‘lim: WordPress | Muhokama →

UzNet Blogroll 29-Mart, 2008

Ko‘pchilik banya.uz saytini bilsa kerak. Bilmaganlar uchun aytib o‘tmoqchiman, ushbu sayt “uznet”dagi rus tilida bo‘lgan turli xil verbsaytlarning so‘nggi maqolalarini bir yerda jamlangan holda ko‘rsatib beradi. O‘quvchi esa sayt orqali qaysi saytlarda yangi maqolalar paydo bo‘lganligi, uning mazmunini mavzu nomlari orqali bilib, hohlasa to‘liq o‘qish uchun kerakli saytga o‘tadi. Xorijiy saytlarning to‘plami sifatida popurls.com sayti mavjud.

O‘zbek tilidagi resurslarning ham mana shunday jamlanmasini tuzish maqsadida, tajriba sifatida yangi bir sahifa ishga tushirildi: www.uzblogger.com/uznet. Hozircha ushbu sahifada o‘zbek tilidagi ba’zi bir resurslar ko‘rsatib o‘tilgan. Ushbu resurslar ro‘yxatini istagan kishi o‘zi yoqtirgan, foydali va asosiysi o‘zbek tilida bo‘lgan resurslar manzilini ushbu maqolaga sharhida qoldirsa, ushbu sahifaga qo‘shib qo‘yaman.

Lozim topilsa, ushbu sahifani alohida verbsayt sifatida alohida domenga o‘tkazishimiz ham mumkin va kengroq rivojlantirish mumkin. Kimda-kim o‘z hissasini qo‘shmoqchi bo‘lsa, marhamat. O‘z fikr va istaklaringizni yozib qoldiring.

Teglar: Blogroll, o'zbek tilidagi saytlar, UzNet
Bo‘lim: UzNet | Muhokama →

v3 26-Mart, 2008

Hurmatli blog o‘quvchilari,

Ayni vaqtda ushbu blogning shabloni o‘zgartirilmoqda hamda barcha aktiv plaginlar yangilanmoqda. WordPressning yangi versiyasi chiqishi arafasida, bir nechta plaginlar yangi versiyalarini chiqarishmoqda, shuning uchun o‘z vaqtida yangilab olish lozim. Ushbu blog WordPressning 2.5 RC2 versiyasida ishlamoqda.

Bundan tashqari yana bir muhim yangilikni xabar qilmoqchiman. Tez kunlarda yangi shablon to‘la o‘rnatib olingandan so‘ng, ushbu blogda forum ochiladi. Bu forumning mohiyati haqida keyinroq to‘liq ma’lumot beraman. Forum albatta bbPress asosida ishlaydigan bo‘ladi.

Bu xabarlar bilan yangiliklar tamom bo‘lgani yo‘q Yana bir muhim bo‘lim bu mehmon bloggerlar tomonidan ushbu blog uchun maqolalar yozish/yuborish bo‘limidir. Bu haqida to‘liq ma’lumotni ham bo‘lim ishga tushish arafasida chop etaman.

Boshqa foydali/kerakli xizmatlar, bo‘limlar lozim deb o‘ylasangiz, bemalol yozib qoldirishingiz mumin va umid qilamanki birgalikda shunday yangi xizmatlarni amalga oshiramiz.

Teglar: rebrend
Bo‘lim: Umumiy | Muhokama →