UzBlogger

WordPress 2.5 uchun tayyorgarlik 19-Mart, 2008

Avvalgi maqolada aytib o‘tganimdek, WordPress 2.5 kechikyapti, lekin 1-2 hafta ichida nashr etiladi. Shuning uchun blogingizni WordPressning yangi versiyasiga tayyorlash borasida ba’iz-bir maslahatlarni berib o‘tmoqchiman. (Blogheraldning‘dagi ushbu maqolasi asosida.)

1. Uyg‘unlikni tekshiring: Blogingizdagi mavjud plagin va shablonlarning yangi versiya bilan uyg‘unligini tekshirib ko‘ring. Agar siz o‘rnatgan plagin yoki shablon ushbu ro‘yxatlarda mavjud bo‘lmasa, mualliflarining saytlaridan yangi versiyalarni qidirib ko‘ring.

2. Plagin/Shablonlarni yangilang: WordPress Kodeksida ushbu jarayon haqida batafsil aytib o‘tilgan.

3. Yangilashdan oldin tekshirib ko‘ring: Bunda sizga Wordpress Upgrade Preflight Check plagini juda ham qo‘l keladi. Hozircha ushbu plagin faqat 2.3.3 versiyagacha tekshiradi, lekin plagin muallifining gapiga ko‘ra, WordPress 2.5 nashrdan chiqishi bilan ushbu versiya uchun ham tekshiradigan bo‘ladi.

4. Eski plaginlarni o‘chirib tashlang: Agar sizda ishlatilmayotgan plaginlar mavjud bo‘lsa, barchasini o‘chirib tashlang. Agar ular eskirgan bo‘lsa, darhol yangilab oling.

5. Plaginlar ro‘yxatini yozib oling: Plaginlar sahifasini ochib, barcha plaginlar ro‘yxatini yozib oling. Mabodo ushbu plaginlaringiz o‘chib ketadigan bo‘lsa, ushbu ro‘yxat orqali qaysi plaginlar bilan ishlaganingizni darhol bilib olasiz. (Albatta bunday hodisa yuz bermasligi mumin)

6. Saqlash: Yangilashdan oldin albatta blogingizni to‘laligicha bir nusxasini saqlab olishni unutmang.

7. Agar ma’lum bir xatolik, qiyinchiliklarga duch kelsangiz WordPressning rasmiy yordam forumiga murojaat qilishingiz yoki kaminadan yordam so‘rashingiz mumkin. Bajonidil yordam beraman.

Teglar: plagin, shablon, WordPress, wordpress 2.5
Bo‘lim: WordPress, Yo‘riqnoma |