UzBlogger

WordPress 2.7 Beta 3

Avaz Ibragimov — Sun, 16 Nov 2008 18:27:42 +0000

WordPress 2.7ning Beta 3 versiyasi ham e’lon qilindi. Ushbu nashrda asosan WordPress boshqaruv panelining tashqi ko‘rinishiga tegishli yangilanishlar va o‘zgarishlar mavjud. Bundan tashqari menyu va boshqaruv paneli bosh sahifasiga(Dashboard) tegishli tuzatishlar, 2.7dagi yangiliklardan biri bo‘lgan “Quick Press”dagi tuzatishlar va shu kabi boshqa tuzatishlar mavjud. Ushbu nashrdagi to‘liq o‘zgarishlar ro‘yxati bilan ushbu sahifada tanishishingiz mumkin.

WordPress 2.7 Beta 3 versiyasini ko‘chirib oling.

Agar siz hozirda Beta 1 yoki Beta 2 nashridan foydalanayotgan bo‘lsangiz, Moslamalar(Tools) → Yangilash(Update) menyusi orqali WordPressni yangilab olishingiz mumkin.

UzBlogger.com 1 yoshga to‘ldi!

Avaz Ibragimov — Sat, 15 Nov 2008 18:52:11 +0000

Ushbu blogni 1 yildan beri o‘qib, kuzatib yurganingizdan minnatdorman. Kimgadur ushbu blog orqali yordam berishga erishgan bo‘lsam, uchbu blog befoyda ochilmagan deb hisoblashim mumkin. Keyingi safar kengroq doirada nishonlaymiz degan umiddaman.

Salomatlik tilab,

Avaz Ibragimov

Mozilla Firefox 3.0.4

Avaz Ibragimov — Sat, 15 Nov 2008 17:56:14 +0000

Kuni kecha Mozilla Firefox brauzerining navbatdagi — 3.0.4-versiyasi dunyo yuzini ko‘rdi. Ushbu versiyaga tegishli barcha xavfsizlik va boshqa tuzatishlar va o‘zgarishlarning to‘liq ro‘yxatini ushbu sahifa orqali bilib olishingiz mumkin.

Agar Firefox brauzerining moslamalari orqali yangilanishlarni avto-tekshirish va ular topilgan taqdirda o‘rnatishni ko‘rsatgan bo‘lsangiz, unda Firefox avtomatik tarzda yangilangan bo‘lishi mumkin. Agar ushbu yangi versiyani o‘zingiz o‘rnatmoqchi bo‘lsangiz uni ko‘chirib olishingiz lozim. Firefox 3.0.4ni ushbu sahifa orqali ko‘chirib olishingiz mumkin.

Trackback & Pingback

Avaz Ibragimov — Mon, 10 Nov 2008 16:18:47 +0000

Bundan avvalgi postda Behzod Saidov trackback va pingback tushunchalari haqida ma’lumot berishimni so‘ragan edi, marhamat, trackback va pingback haqida qisqacha ma’lumot.

Trackback

Eshmat o‘z blogida biror mavzuda post yozadi.
Toshmat esa Eshmatning blogida sharh qoldirmoqchi lekin, uning sharhini o‘z blogidagi o‘quvchilari ham ko‘rishini va uning blogida sharh qoldirishlarini hohlaydi.
Toshmat o‘z blogida Eshmatning yozgan mavzusiga tayanib/asoslanib post yozadi va uning blogiga tracback(kuzatish/e’tibor berish uchun bog’) yuboradi (masalan, “mening blogimda ham ushbu mavzuga taalluqli qiziq ma’lumot/fikr mavjud” degan ma’noda).
Eshmatning blogi ushbu trackbackni qabul qiladi va postga tegishli sharhlar qatorida ko‘rsatadi. Ushbu sharh Toshmatning postiga bog‘langan bo‘ladi.

Trackback odatda Toshmatning postidan ma’lum bir parcha shaklida ko‘rsatiladi va to‘liq postga bog‘ni o‘z ichiga olgan bo‘ladi. Asosiy maqsad ikki blog o‘quvchilarining e’tiborini o‘xshash mavzudagi postga jalb qilish, ularni xabardor qilish. WordPress trackback uchun har bir postning so‘nggida maxsus bog’ hosil qilib beradi (masalan, ushbu post uchun trackback bog’ ushbu shaklga ega bo‘ladi: http://www.uzblogger.com/2008/11/10/trackback-pingbacktrackback-pingback.html/trackback).

Pingback

Eshmat o‘z blogida biror mavzuda post yozadi.
Toshmat esa o‘z blogida Eshmatning blogiga bog‘langan holda post yozadi. Buning natijasida Eshmatning blogiga avtomatik tarzda pingback(bildirish) yuboriladi.
Eshmatning blogi ushbu pingback qabul qiladi va u haqiqatdan ham Toshmatning blogidan kelganligini aniqlash uchun Toshmatning blogida aniqlab keladi.

Pingback esa odatda Eshmatning blogida Toshmatning blogiga faqat bog’ sifatida namoyon bo‘ladi.

WordPress 2.7 Beta 2

Avaz Ibragimov — Fri, 07 Nov 2008 14:42:20 +0000

WordPress 2.7 Beta 2 ham tayyor. O‘zgarishlar ro‘yxati bilan ushbu sahifa orqali tanishishingiz mumkin.

Agar siz hozirda Beta 1 nashridan foydalanayotgan bo‘lsangiz, Moslamalar(Tools) → Yangilash(Update) menyusi orqali WordPressni yangilab olishingiz mumkin.

Post yozishda tekst rangini o‘zgartirish

Avaz Ibragimov — Thu, 06 Nov 2008 04:29:57 +0000

WordPressda post yozishda tekst rangini o‘zgartirish haqida so‘ralgan edi, ushbu savolga javob bermoqchiman. Umid qilamanki, WordPressdan endigina foydalanishni boshlagan boshqa foydalanuvchilar uchun ham foydasi tegadi.

WordPressda post yozishning 2 hil rejimi mavjud — Vizual hamda HTML.
Vizual rejim asosan oddiy foydalanuvchilar uchun mo‘ljallangan bo‘lib, unda ranglardan foydalanish juda ham oson:

HTML rejim esa ko‘proq ilg‘or foydalanuvchilar uchun mo‘ljallangan bo‘lib, HTML va CSS bilimini talab qiladi:

Yuqoridagi ikki usulning natijasi bir hil ko‘rinishga ega bo‘ladi, lekin qaysi biridan foydalanish bu faqat sizga bog‘liq. Qaysi biri siz uchun qulay bo‘lsa, o‘sha usuldan foydalanganingiz ma’qul.

Shunga o‘xshash boshqa savollarni Bloggerlar Forumida yozib qoldirishingiz mumkin, albatta javob olasiz.

Bloggerlar forumi

Avaz Ibragimov — Tue, 04 Nov 2008 13:22:38 +0000

Bundan bir necha oy avval forum ochishni rejalashtirgan edim. Forumni ham ochib qo‘yganimga ancha bo‘lgan edi, lekin forum uchun vaqt ajrata olmagandim. Shuning uchun ham bu haqda e’lon qilmagan edim. Bugun ushbu forumni ochiq deb e’lon qilishga qaror qildim.

Forum manzilini yozishdan oldin, ushbu forum haqida umumiy ma’lumot berib o‘tmoqchiman. Forum hozircha bo‘sh, lekin tez orada sizlar bilan birgalikda uni to‘ldirib borishga harakat qilamiz. Forumni tashkil qilishdan asosiy maqsad blog yaratish, uni yuritish hamda blog va blogging borasida turli hil mavzular haqida suhbatlashish, muammolarni hal etishda yordam berish va blogni rivojlantirish yo‘llari haqida muhokama olib borishdir. Albatta bularni barini blogda qamrab olish qiyin, shuning uchun ushbu forum bu borada qo‘l keladi deb umiq qilaman. Qolaversa, sizlar ham o‘zingiz hohlagan savollarga forum orqali javob olish imkoniga ega bo‘lasiz.

Forumning manzili: http://uzblogger.com/forum
Hozircha forum WordPress, Plaginlar va Xaklar, Dizayn va Shablonlar bo‘limlaridan tashkil topgan.

Lekin istalgan mavzuda suhbat olib borish mumkin. Qo‘shimcha bo‘limlarni ochish yoki boshqa fikr va mulohazalaringizni Taklif va Shikoyatlar bo‘limida yozib qoldirasiz degan umiddaman.

WordPress 2.7 Beta 1, to‘liq nashr kechiktirildi

Avaz Ibragimov — Sat, 01 Nov 2008 18:29:13 +0000

WordPress 2.7ning 1-Beta nashri ham dunyo yuzini ko‘rdi. Ushbu beta versiya bo‘lajak 2.7ning yangi dizaynini to‘la his etishga yordam beradi. WordPressdan foydalanish naqadar qulay hamda professional darajaga ko‘tarilganligiga yana bir bor amin bo‘lishingiz mumkin. Ushbu nashr faqat sinov uchun chop etilgan bo‘lib, oddiy foydalanuvchilar uchun mo‘ljallanmagan va ommaviy blog/saytlar uchun foydalanishni tavsiya qilinmaydi. Rasmiy WordPressning xabar berishicha, shu yilning 10-noyabrida chop etilishi rejalashtirilgan WordPress 2.7 noyabr oyining oxirlariga kechiktirilgan.

Xullas, WordPress 2.7 Beta 1ni ko‘chrib oling va sinab ko‘ring.

WordPress Showcase

Avaz Ibragimov — Sat, 01 Nov 2008 02:29:38 +0000

WordPress Showcase bu WordPress asosida yaratilgan nomdor blog va saytlarning namoyishi. Ushbu sahifa WordPress MU, WordPress.org, WordPress.com va WordPress.com VIP kabi bo‘limlarga hamda turli hil yo‘nalishlarga ajratilgan. Hohlagan kishi ushbu ro‘yxatga kiritish uchun nomzodlarni qo‘shishi , ma’qul topilsa, ushbu ro‘yxatga kiritilishi mumkin.

WordPress asosida noan’anaviy blog/saytlarni ko‘rmoqchi bo‘lsangiz, bemalol ushbu sahifaga murojaat etishingiz mumkin.

WordPress MU 2.6.3

Avaz Ibragimov — Sat, 25 Oct 2008 18:55:28 +0000

Ushbu nashr ham, WordPress 2.6.3 kabi asosan “Snoopy library”ga oid xavfsizlik borasidagi xatoliklarni hal qiladi. Bundan tashqari yana bir nechta mayda o‘zgartirishlarni ham o‘z ichiga olgan. Agar faqat Snoopyga tegishli xatoliklarni o‘zini tuzatmoqchi bo‘lsangiz, quyidagi ikki faylni ko‘chirib olishingiz mumkin:

To‘liq ko‘chirib olish uchun esa ushbu sahifaga o‘ting.