Ushbu versiya XSS xavfsizlik xatosini tuzatadi, shuning uchun bu juda muhim. Darhol blogingizni yangilashni unutmang.

Yangi versiyani ko‘chirib olishingiz yoki Boshqaruv paneli orqali avtomatik tarzda yangilab olishingiz mumkin.

O‘zgarishlar ro‘yxati, ko‘chirib olish sahifasi.

O‘zgarishlar ro‘yxatini o‘qish uchun ushbu sahifaga o‘ting.

Foydalanuvchilar tomonidan avval so‘ralgan tuzatishlar, o‘zgarishlar qisman amalga oshirildi. keyingi nashrda til faylini to‘liq amalga oshirish rejalashtirilgan.

Yana qanday o‘zgarishlarni yoki qo‘shimchalarni hohlaysiz?

WordPress 2.8ni ushbu sahifa orqali ko‘chirib olishingiz mumkin yoki Boshqaruv paneli orqali (Tools » Upgrade) yangilab olishingiz mumkin.

Shaxsan men bir necha bloglarni yangilashda bir muammoga duch keldim. WordPress boshqaruv paneli orqali yangilamoqchi bo‘lganimda, eng so‘nggi versiyadan foydalanayotganligimni va yangilashga hojat yo‘qligi haqida xabar ko‘rsatildi. Aslida esa, eng so‘nggi versiya — 2.8 edi. Ushbu muammo nima sababdan yuz berganini bilmadim, lekin bu muammoni hal qildim.

Bu muammoni hal qilish uchun, yangilash sahifasidagi(Tools » Upgrade) “re-install Automatically”, ya’ni avtomatik tarzda ayni versiyani qaytadan o‘rnatish tugmasini bosamiz. Mavjud versiya yangilangandan so‘ng, 2.8 versiyasi nashr etilganligi va yangilash talab etilishi haqida xabarni o‘qiymiz. Shundan so‘ng, odatdagidek eng so‘nggi versiyaga yangilab olamiz.

Albatta bir narsani unutmangki, yuqoridagi muammoni hal qilishdan oldin ma’lumotlar bazasi va WordPress fayllarini kompyuterimizga ko‘chirib qo‘yamiz. Yangilash paytida kutilmagan xatolik yuzaga kelib, ma’lumotlarga putur yetadigan bo‘lsa, oldindan saqlab qo‘yilgan nusxa yordamida yo‘golganlarni qayta tiklash imkoniyat bo‘ladi.

Sinab ko‘rish uchun ushbu sahifadan ko‘chirib olishingiz mumkin. 2.8 Beta 2dan keyin kiritilgan o‘zgarishlar bilan ushbu sahifada tanishishingiz mumkin.

WordPress 2.8 to‘liq versiyasini e’lon qilish 10-iyun kuniga rejalashtirilgan.

WordPress uchun tekin shablon:
— 2 ustunlik
— Til fayliga ega (qisman)
— Vidjet, teg va yangi sharhlash usulini(threaded-comments) qo‘llab-quvvatlaydi

Omma uchun eng birinchi yaratgan shablonim. Kamchiliklar, xatolar haqida xabar bering, iltimos. Qanday qo‘shimchalarni hohlashingiz haqida ham yozib qoldirishingiz mumkin.

Xatoliklar va takliflarni ushbu manzil orqali kiritib yoki kuzatib borishingiz mumkin.

http://code.google.com/p/oddiy/

Ayni paytda quyidagi bloglar ushbu shablondan foydalanmoqda:

1. avaz.blogger.uz
2. SHINGIL

Ko‘chirib olish ⇓

Vebsayt yoki blogni tanitish uchun, boshqalardan ajralib turishi uchun, esda saqlab qolish uchun har xil narsalardan foydalaniladi. Masalan, ma’lum bir vebsaytning logotipini ko‘rgan odam darhol ushbu logotip qaysi vesaytga tegishli bo‘lsa, o‘sha vebsaytni ko‘z oldiga keltiradi. Favikon ham huddi shunday vazifani bajaruvchi muhim element hisoblanadi. Ushbu postda qanday qilib favikon yaratish va uni o‘rnatish haqida so‘z boradi.

Favikon

Favikon — blog yoki vebsayt bilan bog‘liq bo‘lgan ikona hisoblanadi. Veb brauzerdagi manzilni yozish qismida, tablarda va boshqa joylarda vebsaytni ajratib turish, tanish uchun foydalaniladi. Bunday ikonalar xatcho‘plar ro‘yxatida ham ko‘rinib turadi.

Odatda favikon 16×16 piksel hajmdagi to‘rtburchak tasvirdan iborat bo‘lib, vebsayt joylashgan o‘zak katalogda favicon.ico nomi bilan saqlanadi.

Favikon yaratish

Favikon grafika bilan ishlash uchun mo‘ljallangan va .ico uzaytmasida saqlash imkoniyatini beruvchi istalgan dastur(masalan GIMP, Photoshop) yordamida yaratilishi mumkin. Bundan tashqari bepul onlayn favikon yaratish xizmatlari ham mavjud (http://www.favicon.co.uk/).

WordPress uchun favikon o‘rnatish

O‘z favikoningizni o‘rnatish uchun mavjud shabloningizning katalogida favicon.ico fayli mavjud bo‘lsa, uni oldin o‘chirib yuborishingiz lozim.

1. O‘zingiz yaratgan favicon.ico faylini aktiv shablonning katalogiga yuklang.
2. Uning yana bir nusxasini saytingizning o‘zak katalogiga yuklang (masalan http://www.uzblogger.com/favicon.ico). Bundan sizning favikoningizni RSS o‘qish uchun mo‘ljallangan dasturlarda ko‘rsatish uchun foydalaniladi.

Favikonni ba’zi-bir eski brauzerlarda ham ko‘rsatish uchun, saytning yuqori qismini(header) tahrir qilish kerak bo‘ladi. Buning uchun:

1. WordPress boshqaruv paneliga(Dashboard) o‘ting.
2. Dizayn deb nomlangan sahifani oching (WordPress 2.3.x versiyalarda Presentation, WordPress 2.7+ versiyalarda Appearance deb nomlanadi).
3. Shablon Tahririga o‘ting(Theme Editor).
4. Header yoki header.php deb nomlangan faylni tahrirlash uchun tanlang.
5. < link rel="shortcut icon" bilan boshlanuvchi va /favicon.ico" /> bilan yakunlanuvchi qatorni toping va kerak bo‘lsa, uni o‘zgartiring yoki, agar yuqoridagi qator mavjud bo‘lmasa, quyidagi kodni head HTML tegidan so‘ng kiriting:

6. O‘zgarishlarni saqlang.

Yangi favikoningizni ko‘rish uchun F5ni bosing. Agar ko‘rinmasa brauzer keshini tozalab, saytni qayta ochib ko‘ring.

Blogda chop etilgan postga tegishli bo‘lgan qo‘shimcha ma’lumotlar o‘quvchilar uchun muhim o‘rin egallashi mumkin. Bunday ma’lumotlarni “Meta” ma’lumotlar deb atash mumkin. Meta ma’lumotlar deganda asosan postning chop etilgan sanasi, vaqti, uning muallifi, qaysi rukn ostida chop etilganligi va hokazolarni nazarda tutyapman. Ushbu postda bu kabi ma’lumotlarni qay tarzda ko‘rsatish va qay tarzda o‘zgartirish mumkin degan savolga javob berishga harakat qilaman.

“Meta” ma’lumotlar bu har bir postga tegishli bo‘lgan qo‘shimcha ma’lumotlar bo‘lib, bularga asosan post muallifi, post sanasi, post bo‘limi va hokazolar kiradi.

Ko‘pgina holatlarda bunday ma’lumotlar postning tagidan joy oladi. Ba’zi hollarda esa postning tepasida, post sarlavhasidan so‘ng joy oladi. Bunday ma’lumotlar ayrim holatlarda blogning yon qismida ham ko‘rsatilishi mumkin. Umuman olganda, bunday ma’lumotlar blogning istalgan qismida va istalgan shaklda, ko‘rinishda ko‘rsatilishi mumkin.

WordPressning Default shablonida meta ma’lumotlar quyidagicha ko‘rsatilgan:

This entry was posted on
< ?php the_time('l, F jS, Y') ?> at
< ?php the_time() ?> and is filed
under < ?php the_category(', ') ?>.
You can follow any responses to
this entry through the < ?php post_comments_feed_link('RSS 2.0'); ?> feed.

Buning natijasi quyidagi ko‘rinishga ega bo‘ladi:

This entry was posted on Monday, February 12, 2003 at 11:32 and is filed under WordPress Lessons, Things to Know. You can follow any responses to this entry though the RSS 2.0 feed.

Ushbu ma’lumotlarni ko‘rsatish uchun 3ta shablon teglaridan foydalanildi. the_time() tegidan ikki xil shaklda foydalanildi. Birinchisida l, F jS, Y parametrlaridan foydalanildi va natijada post sanasi hafta kuni, oy, sana va yil shaklida ko‘rsatildi. Ikkinchi shaklda esa hech qanday parametrlarsiz foydalanilgani uchun post yaratilgan vaqtning o‘zini ko‘rsatildi.

the_category() shablon tegi post qaysi bo‘limga tegishli bo‘lsa, o‘sha bo‘lim nomini ko‘rsatadi.

comments_feed_link() tegi RSS 2.0 parametri yordamida post muhokamalari uchun RSS bog‘ini ko‘rsatadi.

Ushbu teglar nimalarni ko‘rsatish uchun foydalanilganini tushunib olgan bo‘lsangiz, ular bilan birgalikda kelgan matnlarni istalgancha o‘zgartirishingiz mumkin. Yuqoridagi misolda keltirilgan matnlarning o‘rniga o‘zingiz hohlagan matlarni yozishingiz mumkin.

Yuqoridagi ma’lumotlarni qisqa shaklda ko‘rsatishga urinib ko‘ramiz:

POSTED: < ?php the_time('m/j/y g:i A') ?>
FILED AS: < ?php the_category(', ') ?>
COMMENTS FEED: < ?php comments_feed_link('RSS 2.0'); ?>

Natija esa quyidagich:

POSTED: 05/12/04 9:35 AM

FILED AS: News, Answers
COMMENTS FEED: RSS 2.0

Juda ham ixcham va lo‘nda.

Bundan tashqari yana turli xil ma’lumotlarni ko‘rsatish mumkin. the_title() tegidan post sarlavhasini ko‘rsatish uchun foydalanish mumkin. Agar muallifni ko‘rsatmoqchi bo‘lsangiz, the_author(), muallif e-mailini ko‘rsatish uchun esa the_author_email() tegidan foydalanishingiz mumkin. Bundan tashqari ayni bo‘limga tegishli bo‘lgan avvalgi yoki keyingi postga bog‘ni ham ko‘rsatish mumkin, buning uchun esa previous_post() va next_post() teglaridan foydalanish mumkin. Masalan:

POST TITLE: < ?php the_title(); ?>
AUTHOR: < ?php the_author(); ?>
POSTED: < ?php the_time('jS F Y') ?>
FILED AS: < ?php the_category(', ') ?>
COMMENT FEED: < ?php comments_feed_link('RSS 2.0'); ?>
PREVIOUS: < ?php previous_post('%', '', 'yes', 'yes'); ?>
NEXT: < ?php next_post('%', '', 'yes', 'yes'); ?>

Natijasi:

POST TITLE: WordPress Makes Me Smile

AUTHOR: Harriet Smith
POSTED: 20 April 2004
FILED AS: WordPress, News
COMMENT FEED: RSS 2.0
PREVIOUS: Things to Do With WordPress
NEXT: Why I Like WordPress

Ko‘rib turganingizdek, meta ma’lumotlar yordamida o‘quvchi uchun turli ma’lumotlarni qulay va lo‘nda ravishda ko‘rsatib berish mumkin. Bunday ma’lumotlar blogingizda sayr qilib yurishni yana ham qulaylashtiradi.

Bunday ma’lumotlarni istalgan shaklda ko‘rsatishingiz mumkin, bu sizning fantaziyangizga bog‘liq xolos. Siz o‘z blogingizda qanday ma’lumotlarni va qay tarzda ko‘rsatgansiz? Fikrlaringizni kutib qolaman.