WordPress 2.5 uchun tayyorgarlik 19-Mart, 2008

Avvalgi maqolada aytib o‘tganimdek, WordPress 2.5 kechikyapti, lekin 1-2 hafta ichida nashr etiladi. Shuning uchun blogingizni WordPressning yangi versiyasiga tayyorlash borasida ba’iz-bir maslahatlarni berib o‘tmoqchiman. (Blogheraldning‘dagi ushbu maqolasi asosida.)

1. Uyg‘unlikni tekshiring: Blogingizdagi mavjud plagin va shablonlarning yangi versiya bilan uyg‘unligini tekshirib ko‘ring. Agar siz o‘rnatgan plagin yoki shablon ushbu ro‘yxatlarda mavjud bo‘lmasa, mualliflarining saytlaridan yangi versiyalarni qidirib ko‘ring.

2. Plagin/Shablonlarni yangilang: WordPress Kodeksida ushbu jarayon haqida batafsil aytib o‘tilgan.

3. Yangilashdan oldin tekshirib ko‘ring: Bunda sizga Wordpress Upgrade Preflight Check plagini juda ham qo‘l keladi. Hozircha ushbu plagin faqat 2.3.3 versiyagacha tekshiradi, lekin plagin muallifining gapiga ko‘ra, WordPress 2.5 nashrdan chiqishi bilan ushbu versiya uchun ham tekshiradigan bo‘ladi.

4. Eski plaginlarni o‘chirib tashlang: Agar sizda ishlatilmayotgan plaginlar mavjud bo‘lsa, barchasini o‘chirib tashlang. Agar ular eskirgan bo‘lsa, darhol yangilab oling.

5. Plaginlar ro‘yxatini yozib oling: Plaginlar sahifasini ochib, barcha plaginlar ro‘yxatini yozib oling. Mabodo ushbu plaginlaringiz o‘chib ketadigan bo‘lsa, ushbu ro‘yxat orqali qaysi plaginlar bilan ishlaganingizni darhol bilib olasiz. (Albatta bunday hodisa yuz bermasligi mumin)
Davomi…

Teglar: , , ,
Bo‘lim: WordPress, Yo‘riqnoma | Muhokama →

Blogingizni himoyalash usullari 10-Mart, 2008

Hammamizga ma’lumki, xavfsizlik har qachon birinchi o‘rinda turadi. Uyda ham, maishiy hayotda ham, hamma-hamma narsada xavfsizlik eng muhim o‘rin tutadi. Huddi shu narsa sizning blogingizga ham tegishli. Ushbu maqola orqali blogingizni himoyalash borasida muhim maslahatlarni yetkazmoqchimiz.

  1. Hech kim sizning butun serveringizni qidirish imkoniga ega bo‘lmasligi kerak.

    < ?php echo $_SERVER ['PHP_SELF']; ?>

    search.php faylidagi ushbu kod o‘rniga quyidagi funktsiyadan foydalaning:

    < ?php bloginfo ('home'); ?>

  2. WP-kataloglarini qidiruv tizimlari tomonidan indeksatsiya qilinishini oldini oling. Buning uchun robots.txt fayliga quyidagi qatorni kiritishni unutmang:

    Disallow: /wp-*

    Robots.txt faylini qanday yaratish bo‘yicha ushbu maqola bilan tanishib chiqishingiz mumkin.

  3. Blog kataloglari hech qachon boshqalar uchun ko‘rinmasligi kerak. Masalan, plaginlar katalogi ochiq bo‘lsa, blogingizdagi barcha plaginlar ro‘yxati hamma uchun ochiq holatda ko‘rinadi, ushbu plaginlarning birida xavfsizlik muammosi mavjud bo‘lsa, bundan g‘arazli maqsadlarda foydalanish mumkin. Shuning uchun /plugins/ katalogiga bo‘sh index.html faylini tashlab qo‘ying.

Davomi…

Teglar: , , , , ,
Bo‘lim: WordPress, Yo‘riqnoma | Muhokama →

SEO: Sarlavha teglaridan foydalanish 18-Fevral, 2008

Sarlavha teglaridan foydalanish

Blogda maqola yozishda uni ma’lum mantiqiy qismlarga bo‘lib yozish maqsadga muvofiqdir. Chunki, o‘quvchilarga yetkazmoqchi bo‘lgan ma’lumotingizni ular tomonidan oson xazm bo‘lishiga yordam beradi. E’tiborli tomoni shundaki, maqolaning bosh sarlavhasi h1 tegi orasiga joylashtirish lozim. Maqolaning qismlariga tegishli sarlavhalarni esa h2, h3 teglari orasiga joylashtirish lozim.

Qidiruv tizimlarning munosabati

Qidiruv tizimi botlari p tegidan ko‘ra h1, h2, h3 kabi teglarga ko‘proq ahamiyat beradi. Shuning uchun ham maqolaning bosh va qism sarlavhalarini shunday teglar orasiga olib yozish maqola tarkibini qidiruv tizimi botlari tomonidan to‘laroq ravishda indeksatsiya qilinishiga hamda qidiruv natijalarida namoyon bo‘lishiga katta ta’sir ko‘rsatadi. Davomi…

Teglar: , , , ,
Bo‘lim: SEO, Yo‘riqnoma | Muhokama →

SEO: Mavzuga tegishli boshqa maqolalar ro‘yxati 17-Fevral, 2008

O‘z blogingizni SEO uchun moslashtirish borasida yana bir muhim bosqich bu Tegishli Maqolalar plaginini o‘rnatishdir. Ushbu plagin blogingizni qidiruv tizimlar botlari tomonidan yana ham chuqurroq indeksatsiya qilinishiga yordam beradi. Maqolaga tegishli teglardan foydalangan holda tegishli maqolalar ro‘yxatini yaratib, maqola so‘nggida ko‘rsatib beradi. Yana bir ijobiy tomoni bu o‘sha ro‘yxatni RSS orqali ham ko‘rish mumkinligidir. Bu plaginning ishlashini ushbu blogda ko‘rishingiz mumkin.

Bundan tashqari, ushbu plagin blog o‘quvchilari uchun ham bir talay qulayliklarni yaratib beradi. Masalan, qidiruv tizimlari orqali kelgan o‘quvchilar nafaqat o‘zlari qidirib kelgan mavzu bo‘yicha, balki o‘sha mavzuga tegishli boshqa maqolalar bo‘yicha ham ma’lumotga ega bo‘ladilar.

O‘rnatish va foydalanish: Davomi…

Teglar: , , ,
Bo‘lim: Plaginlar, SEO, WordPress, Yo‘riqnoma | Muhokama →

SEO: Robots.txt faylini yaratish 3-Fevral, 2008

Robots.txt fayli qidiruv Botlariga yo‘l-yo‘riq ko‘rsatish maqsadida yaratiladi. Ya’ni, ushbu fayl orqali qaysi kataloglarni indeksatsiya qilish yoki qilmaslikni belgilab berish mumkin.

Robots.txt oddiy matn fayli bo‘lib, oddiy Notepad dasturi orqali ham yaratilishi mumkin.

User-agent: *
Disallow: /wp-
Disallow: /feed/
Disallow: /trackback/

Davomi…

Teglar: , , , , , , ,
Bo‘lim: SEO, Yo‘riqnoma | Muhokama →

Sahifalar:12»