UzBlogger

Theme Tester 0.3 11-Aprel, 2008

Mening shaxsiy blogim tashrifchilari blog shablonining nima uchun tez-tez almashib turishi haqida so‘rashgan edi. Men shaxsiy blogimda o‘zimga yoqqan shablonlarni sinab ko‘raman va tarjima qilayotganimda jonli ravishda o‘zharishlarni ko‘rib turaman. Shuning uchun ko‘pincha blog shabloni almashib turadi.

Bugun esa juda ham foydali bir plaginga duch keldim. Bu plagin Theme Tester deb nomlanadi. Ushbu plaginning vazifasi menga o‘xshagan blog egalari uchun o‘zlari yoqtirgan shablonlarni bemalol jonli ravishda sinashda yordam berish va blog tashrifchilari uchun noqulaylik tug‘dirmaslikdir. Ya’ni, blog egasi istagan shablonini sinashi mumkin va bu vaqtda blog tashrifchilari hech qanday o‘zgarishlarni sezmagan holda, blogning joriy shablonida bemalol blogda kezib yurishlari mumkin.
Davomi…

Teglar: plagin, shablon, theme tester
Bo‘lim: Plaginlar | Muhokama →

WordPress 2.5 uchun tayyorgarlik 19-Mart, 2008

Avvalgi maqolada aytib o‘tganimdek, WordPress 2.5 kechikyapti, lekin 1-2 hafta ichida nashr etiladi. Shuning uchun blogingizni WordPressning yangi versiyasiga tayyorlash borasida ba’iz-bir maslahatlarni berib o‘tmoqchiman. (Blogheraldning‘dagi ushbu maqolasi asosida.)

1. Uyg‘unlikni tekshiring: Blogingizdagi mavjud plagin va shablonlarning yangi versiya bilan uyg‘unligini tekshirib ko‘ring. Agar siz o‘rnatgan plagin yoki shablon ushbu ro‘yxatlarda mavjud bo‘lmasa, mualliflarining saytlaridan yangi versiyalarni qidirib ko‘ring.

2. Plagin/Shablonlarni yangilang: WordPress Kodeksida ushbu jarayon haqida batafsil aytib o‘tilgan.

3. Yangilashdan oldin tekshirib ko‘ring: Bunda sizga Wordpress Upgrade Preflight Check plagini juda ham qo‘l keladi. Hozircha ushbu plagin faqat 2.3.3 versiyagacha tekshiradi, lekin plagin muallifining gapiga ko‘ra, WordPress 2.5 nashrdan chiqishi bilan ushbu versiya uchun ham tekshiradigan bo‘ladi.

4. Eski plaginlarni o‘chirib tashlang: Agar sizda ishlatilmayotgan plaginlar mavjud bo‘lsa, barchasini o‘chirib tashlang. Agar ular eskirgan bo‘lsa, darhol yangilab oling.

5. Plaginlar ro‘yxatini yozib oling: Plaginlar sahifasini ochib, barcha plaginlar ro‘yxatini yozib oling. Mabodo ushbu plaginlaringiz o‘chib ketadigan bo‘lsa, ushbu ro‘yxat orqali qaysi plaginlar bilan ishlaganingizni darhol bilib olasiz. (Albatta bunday hodisa yuz bermasligi mumin)
Davomi…

Teglar: plagin, shablon, WordPress, wordpress 2.5
Bo‘lim: WordPress, Yo‘riqnoma | Muhokama →

Simply-09 WordPress Shabloni o‘zbek tilida 3-Mart, 2008

Nuvio Templates tomonidan WordPress uchun yaratilgan Simply-09 shablonining o‘zbek tilidagi versiyasi tayyor bo‘ldi. Davomi…

Teglar: shablon, simply, simply-09, WordPress
Bo‘lim: Shablonlar, WordPress | Muhokama →

“$5 themes club” uchun kupon 26-Fevral, 2008

Hurmatli blog o‘quvchilari!

Bundan oldinroq chop etilgan yangilikka qo‘shimcha sifatida shuni aytib o‘tmoqchimanki, “$5 themes club” klubiga UzBlogger.com yordamida bepul a’zo bo‘lish uchun ushbu sahifani ochib, “Order Now” tugmasini bosasiz, keyingi sahifada esa “Add to Cart” tugmasini bosasiz. Ochilgan sahifada ikki marotaba qaytarib yozilgan “Subscription - Themes Club” qism mavjud, ularning birini [Remove] bo‘gini bosgan holda o‘chirib yuborsangiz “Total Recurring: $5.00 USD Annually” qoladi. Bundan so‘ng “Promoional code” degan joyga uzblogger3789ux kodini kiritasiz. Eslab qoling: uzblogger3789ux. So‘ngra “Checkout” tugmasini bosasiz va shart bo‘lgan bo‘shliqlarni to‘ldirasiz(Ism, Familiya va hokazolar). Undan keyin “Complete Order” tugmasini bosasiz va tamom. Muvaffaqiyatli ro‘yxatdan o‘tgandan so‘ng “My Products & Services”ni ochib “View Details” tugmasini bossangiz, ko‘chirib olishingiz mumkin bo‘lgan(maqola yozilishi paytida 4ta) WordPress shablonini ko‘rishingiz mumkin bo‘ladi. Yana bir bor qaytarib o‘tmoqchimanki, ushbu shablonlar soni har oyda ko‘payib boradi va yil mobaynida har oy yangi Premium WordPress shablon ko‘chirib olish imkoniyatiga ega bo‘lasiz.

Ushbu kod eng birinchi 50ta blog o‘quvchilari uchun mo‘ljallangan. Kimdur ulgurmay qolsa, shu yerda sharh qoldiring va yordam berishga harakat qilaman.

E’tiboringiz uchun raxmat. Hudo hohlasa, bundan keyin ham sizlarni turli hil tuhfalar bilan siylashda davom etamiz. Kuzatib boring!

Agar maqolalarni RSS tasmasi orqali o‘qimoqchi bo‘lsangiz RSS manzilimizni eslatib o‘taman:
http://feeds.feedburner.com/uzblogger - maqolalar uchun;
http://feeds.feedburner.com/UzbloggerSharhlar - sharhlar uchun.

Bundan tashqari, siz UzBlogger.com maqolalarni nafaqat RSS tasmasi orqali, balki o‘z e-mail pochtangiz orqali kuzatib borishingiz mumkin. Buning uchun blogning yon qismida mavjud bo‘lgan RSS2Mail bo‘limidagi bo‘shliqqa o‘z e-mail manzilingizni kiritib, obuna bo‘lishni tasdiqlasangiz bas — barcha maqolalar e-mail pochtangizga yuborilib turiladi.

Teglar: blog, Blogging, kod, kupon, obuna, promotional code, rss, shablon
Bo‘lim: Umumiy | Muhokama →

$5 themes club - UzBlogger.com o‘quvchilari uchun tuhfa 25-Fevral, 2008

WPDesigner saytining muallifi Small Potatoning “$5 themes club” klubi mavjud. Ushbu klub a’zolari $5 to‘lab, yil mobaynida 12ta WordPress Premium Shablonlari bilan ta’minlanadi. Endi UzBlogger.com o‘quvchilari, foydalanuvchilari ushbu klubga a’zolik badalini to‘lamagan holda, tekinga a’zo bo‘lishlari mumkin. Buning uchun ushbu maqolaga bu haqda sharh qoldirishingiz va e-mail manzilingizni yozib qoldirishingiz lozim.

WPDesigner tomonidan yaratilgan WordPress shablonlari sifati va foydalanish uchun qulayligi bilan ajralib turadi. O‘zingiz hozirgacha ushbu klub a’zolari uchun tayyorlangan WordPress shablonlarini ko‘rib chiqishingiz mumkin. UzBlogger.com yordamida a’zo bo‘lganingizdan so‘ng, ushbu hozirgacha tayyor bo‘lgan shablonlar bilan birgalikda, yil mobaynida yana 12ta Premium shablonlarni yuklab olish imkoniyatiga ega bo‘lasiz. Davomi…

Teglar: shablon, tuhfa, wpdesigner
Bo‘lim: Shablonlar | Muhokama →